Derby!
30. September 2025, 17:34
Treffpunkt isch am 17:00 Uhr ufm Hardturm! Am Treffpunkt gits d'Möglichkeit, zu günstige Konditione Bier zchaufe.
Wiitersäge und cho - alles gäh für dä Derbysieg!
Bilder Lugano
29. September 2025, 07:34
Verwaltigsgricht verschleppt Stadionentscheid
27. September 2025, 13:12
Hüt vor foif Jahr hät d Zürcher Stimmbevölkerig zum zweite Mal Ja gseit zum neue Hardturmstadion. Statt dä Volksentscheid z aktzeptiere, händ d Stadiongägner ihres niveaulose Spiel wiitertribe. Sie bekämpfed dä Stadionbau sit Jahre mit Ihsprache. Zerscht mit Stimmrechtsbeschwerde, dänn mit Beschwerde geg dä Gstaltigsplan.
Sit bald zwei Jahr ligged die Beschwerde ufm Tisch vom Zürcher Verwaltigsgricht. Passiere tuet nüt! Was normalerwiis e Sach vo wenige Mönet isch, duuret im Fall vom Hardturmstadion scho über zwei Jahr. So e krassi Verzögerig dur s Verwaltigsgricht isch en Affront gegeüber dä Stimmbürgerinne und Stimmbürger und chratzt am Vertraue ah dä Demokratie.
Mir rüefed die zueständige Richterinne und Richter uf, endlich vorwärts zmache und dä Entscheid über d'Beschwerde zfälle.
Lugano uswärts
23. September 2025, 16:34
Extrazug
Dä Extrazug fahrt am 14:33 Uhr uf Gleis 5. Chaufet alli es Zugbillett, die gits bi jedem SBB-Automat oder online. Im Extrazug herrscht strikts Rauchverbot!
Alli wiitere Infos zu dä Extrazüg
Tickets
Tickets gits im Extrazug und ah de Tageskasse. Erwachseni 25.- / Jugendlichi 20.-. Nähmed de Betrag so genau wie möglich in bar mit!
Alli uf Lugano!