Hardturm Textilmanufaktur

De Textilmanufaktur Stand findet ihr jewiils ade Spiel im Letzigrund hinter de Kurve im Sektor B.

Zum chaufe gits näbed saisonale Specials, Schals, Shirts, Chläber, Pullis und Jacke. Zuesätzlich je nach Jahresziit diversi anderi Sache rund um dä GCZ und d'Fanszene. En churze Blick lohnt sich immer!

Offe isch de Stand jewiils ab Türöffnig bis churz vor Spielbeginn.

Häsch du e gueti Idee für en neue Artikel? Es Design für es Libli, oder öppis wo du scho lang mal gern am Stand gseh würsch? Mäld dich ungeniert bide Lüüt am Stand oder per Mail a info@sektoriv.ch.