Am Samstig, 26. September 2026 findets diesjährige Fanturnier statt! Strich dir de Tag dick im Kalender ah und chum mit oder ohni Team uf de Campus und lueg zue wer die legendäri Trophäe gwünnt.
Ahmeldeformular: Online, am Fanstand im Sektor B oder i de Fanzone
Ahmeldeschluss: Sunntig 20. September 2026 per Mail ah info@fanprojekt-gcz.ch
GC Züri international!
Zum Uftakt zu de Jubiläumswuche rund ums 140-Jahr-GC-Züri-Jubiläum spieled mir s'erste Mal sit 2020 es Pflichtspiel gäge de FC Vaduz. Mir reised alli Zäme mit em Extrazug früehzitig nach Vaduz und stimmed eus im Städtle uf das Spiel ih! Ufem Rathusplatz isch es Verpflegigsahgebot organsiert. Am 15:00 Uhr laufed mir vom Rathusplatz Zäme zum Stadion.
Extrazug
Dä Extrazug fahrt am 11:00 Uhr uf Gleis 3. Im Extrazug sind im letschte Wage in Fahrtrichtig rauchfreii, familiefründlichi Abteil reserviert.
Chaufet alli es Extrazugbillett, die gits bi jedem SBB-Automat oder online.
Alli wiitere Infos zu dä Extrazüg
Tickets
Tickets gits ufem Rathusplatz Vaduz ab 12:30 Uhr und ah de Tageskasse. Erwachseni 25.- / Studente 20.-. Nähmed de Betrag so genau wie möglich in bar mit!
Alli uf Vaduz!
