19. Juni 2017, 14:00
Es sind erscht es paar Wuche vergange, sit mir d Saison 2016/17 abgschlosse händ. Einersiits froh drüber, dass mir nöd abgstiege sind. Anderersits fragend, wies zuekünftig söll besser wärde - sowohl uf als au näbed em Platz.
Au d GC-Füehrig hät sich Gedanke gmacht, wie euse Verein wieder zu neuem Läbe erweckt wärde chan. Und: mir chönd eus freue! Als Dank für eusi Treui verchauft dä Grasshopper Club Züri alli Saisonchartene 40 % günstiger. Es Kurveabo choschtet demit nur no 195 Franke. Bedingig isch, dass 4'000 GC-Fans mitmached. Das crowdfunding startet i däne Minute und duuret bis zum 10. Juli.
Das isch aber nonig alles. No während dä kommende Saison wird im Zürcher Gmeindrat über dä neu Hardturm diskutiert, d Volksabstimmig folgt scho im nächste Jahr. Mir müend eus zwar no chli gedulde, bis mir wieder zrugg in Chreis 5 ziehnd. Scho ab dä nächste Saison zeigemer aber ah jedem Spiel, wie wichtig eus dä Hardturm isch. Elei das isch Grund gnueg, ah jede Match z cho!
Chauf dir jetzt e Saisoncharte und teil dä Bitrag mit all dine GC-Kollege. Mit dim Ihsatz füllemer die Kurve!
07. Juni 2017, 12:56
Au ih dem Jahr kämpfet GCZ-Fan-Mannschafte um de heiss begehrti Fanturnier-Pokal. Mäld dich und dini Mannschaft fürs Fanturnier 2017 ah. Du muesch nur s Ahmäldeformular usdrucke, usfülle und is Sächs Foif oder in Fanshop bringe! S'Turnier findet am 8. Juli 2017 im GC Campus statt.
Dini Ahmeldig nimmt s Fanprojekt im GC Fanshop wie folgt entgege:
jewils am Mittwuch 7. Juni, 14. Juni, 21. Juni und 28. Juni vo 12.00h bis 18.00h
Im Sächs Foif chönder eui Ahmeldig ah folgende Täg abgeh:
Dunschtig 8. und 15. Juni sowie Fritig 9. und 16. Juni
Für de Grill und Getränkestand suechemer no Helferinne und Helfer! Meldet eu doch direkt bim Fanprojekt unter mattias.cadonau@fanprojekt-gcz.ch
All wiitere Infos rund um de Tag folged...
03. Juni 2017, 13:49
Wiiteri Bilder uf www.gc-zone.ch
30. Mai 2017, 09:49
Saisonabschluss - die letschte 90 Minute GC Züri vor dä Summerpause! All uf Sion!
Extrazug
Abfahrt Züri HB: 14:58h uf Gleis 18
Zrugg in Züri: churz vorem halbi 3i ide Nacht
Tickets
Erwachseni: Fr. 25.-
Jugendlichi: Fr. 20.-
Tickets gihts im Extrazug und ade Tageskasse.
Getränkeverkauf
S'giht im Extrazug en Getränkeverkauf - wie immer zu günstige Konditione!
Alli wiiteri Infos zu dä Extrazüg