Wil uswärts

Dä GC Züri ide Nati B – unvorstellbar? Jetzt erst recht! Muul abputze, s’gaht wiiter! Nachem Startsieg im Geisterspiel legemer in Wil grad nah! Fertig Tristesse, fertig Summerpause – es gilt wieder alles z’geh und eusi Jungs zum Sieg z‘schreie!

Extrazug

De Extrazug fahrt ab Züri HB 17.45h ufem Gleis 18.

Tickets

gits im Extrazug zum Einheitspriis vo 16.- (Nämed de Betrag so gnau wie möglich mit, danke!) oder ade Tageskasse für Erwachseni 18.- und für Jugendlichi/Studis 16.-

Tickets chönd au Online über de FC Wil kauft werde.

Alli wiiteri Infos zu dä Extrazüg

Ide Zwüscheziit hetmer sich mit de neue Vereinsleitig wege eusne Forderige ustuuscht und wiiteri Träffe stönd ah. De igschlageni Weg mitem Dialog het e Chance verdient, muen sich aber au no bewähre. Mir informiered eu so bald wie möglich über s wiitere Vorgehe.

Mir folged Dir vo Spiel zu Spiel – ob z’Züri, z’Basel oder z’Wil!