Lugano Uswärts
19. Juli 2024, 14:09
Im Extrazug wird’s no en Getränke Verkauf mit Cocktail und Softgetränk gä!!!
Alli uf Lugano - Vorwärts GC Züri
Lugano Uswärts
17. Juli 2024, 18:00
Es gaht wieder los!
Extrazug
Dä Extrazug fahrt am 12:32 Uhr uf Gleis 18. Chaufet alli es Extrazugbilett, die gits bi jedem SBB-Automat oder online.
Alli wiiteri Infos zu dä Extrazüg.
Tickets
Tickets gits im Extrazug; Erwachseni 25.- / Jugendlichi 20.-.
Alli uf Lugano - Vorwärts GC Züri
Reminder Fründschaftsspiel
10. Juli 2024, 19:00
Am Samstig 13. Juli 2024 treffed mir im letschte Testspiel vor em Saisonstart uf dä SCR Altach.
Zu dem Ahlass sind alli GCZ Fans herzlich iglade, gmeinsam mit de Altacher Jungs de Tag z'verbringe.
Rahmeprogramm
13:00 Uhr Treffpunkt im Stadion
16.30 Uhr Altacher Jungs vs. GCZ Fans
17.00 Uhr SCR Altach vs. GC Zürich (Profis)
19.00 Uhr Live-Musig uf de neu überdachte Osttribüne
Ahreis
D'Ahreis isch individuell, es git gnueg Gratisparkplätz ums Stadion.
Mitem ÖV gits d'Möglichkeit ab Züri HB via Bregenz oder Feldkirch und vo det jewils mitem Regio uf Altach z'fahre.
Fanartikel
Es werdet limitierti Shirts und Schals verchauft. Es cha in bar in Euro und Franke zahlt werde. Es het solangs het.
ALLI UF ALTACH!
VORWÄRTS GC ZÜRI!
Immer wiiter
09. Juli 2024, 18:22
Knapp am Abstieg entcho und doch blibt vom letschte Spiel dä luutstarchi Support vo 2'500 Zürcher Fans in Erinnerig. Nämmemer dä Schwung vom Barrage-Duell mit i die neu Saison und unterstützed euse GCZ – immer, immer und immer wiiter.
FÜLLEMER DIE KURVE
Holled eu die physischi Saisonkarte!
Alli wo bis zum erschte Heimspiel es Saisonabo gholt händ, spieled automatisch um es GC-Trikot mit. Lueg am 27. Juli churz vor Ahpfiff uf sektoriv.ch verbi und gib dini Sitznummere ih. Zeigts dir es pinks GC-Uswärtsshirt vo dä Saison 2013/14 ah, günnsch es brandneus originals GC-Trikot vo 2024/25.
Hol dir die physischi Saisoncharte. Los jetzt!
Update: Lueg nah vor em erste Match: Weles isch dis Trikot?
