28. August 2024, 21:00
Extrazug
Dä Extrazug fahrt am 14:53 Uhr uf Gleis 18. Chaufet alli es Extrazugbilett, die gits bi jedem SBB-Automat oder online.
Alli wiiteri Infos zu dä Extrazüg.
Tickets
Da im Extrazug Tickets nur Bar verchauft werde chönd, sind us Eifachheits-Gründ d'Ticketprise dasmal ufgrundet. Erwachseni 25.- / Jugendlichi 20.-, d'Differenz(2.- / 4.-) gaht id Choreokasse. Nähmet dä Betrag so gnau wie möglich mit.
Wer das nöd zahle will oder chan, het d'Möglichkeit ah de Tageskasse vorem Stadion Tickets z'chaufe, Erwachseni 23.- / Jugendlichi 16.-.
Im Extrazug wird’s en Getränke-Verkauf gäh mit Aperol, Bier und Softgetränk.
Alli uf Yverdon - Vorwärts GC Züri
14. August 2024, 21:02
Am Sunntig 16:00 Uhr spielt euse GCZ die 1.Cup-Rundi gege de FC Regensdorf.
Treffpunkt für alli GCZ-Fans
13:00 Bahnhof Regensdorf site Hardrainstrasse
Es git kein Extrazug, organisiered eu und reised individuell ah!
Tickets
Tickets werdet vor em Sportplatz Wisacher zum Einheitspris vo 25.- Verkauft.
Pro Verkauftem Ticket gönd 3.- ad Jugend vom FC Regensdorf, nähmed de Betrag so gnau wie möglich bar mit!
Cuptradition wahre!
Es Cupspiel bringt für chlini Verein erheblichi Ufwänd mit sich, vo dä allgemeine Organisation vom Spiel, Sicherheitsvorkehrige und zuesätzliche Choste für Personal und Infrastruktur.
Zum die Vereine z'unterstützä und d'Cuptradition z'bewahre, rüefed mir all Fans dezue uf früheziitig uf Regensdorf z'cho und a dä Getränke- und Ässensständ vor Ort möglichst viel z'konsumierä.
Diebstahl, Sachbeschädigunge und unagmässnigs Verhalte wird nöd toleriert.
Cuptradition wahre!
All uf Regensdorf
Tschuttet - günned - macheds nomal!
