SCHIKANÖSI IHGANGSKONTROLLE IN ST. GALLE
Vo de über 770 GC-Fans, wo in St. Galle euses Team luutstark unterstützt händ, sind rund 200-300 bi de Ihgangskontrolle verschärft kontrolliert worde. Die Betroffene händ müesse ihri ID vorwiese, ihri Adresse ahgeh und sind teilwiis au no fotografiert worde. So schikanösi Ihgangskontrolle wo total willkürlich alli Fans träffet, dörfet uf kein Fall zum Alltag werde. Drum isch wichtig, dass mir eus gäg so Kontrolle wehret. Zum e Übersicht z becho, bruchet mir im ne erschte Schritt Ihsicht ih die erhobene Date. Mir händ drum gege Lausanne Musterschriebe für es Ihsichtsgsuech verteilt. Falls letscht Samstig nöd ume gsie bisch oder das ganze verpasst hesch, chasch am Sunntig, 19. November gege Thun bim Fanartikelstand verbi cho, s Formular usfülle, vor Ort e ID-Kopie mache und mir erlediget de Rescht. Wichtig isch insbesondere, dass sich die Lüt bi eus meldet, wo gfötelet worde sind.
Wänn du Foti/Videoufnahme vo de Ihgangskontrolle häsch chöne mache, schick die bitte ah info@sektoriv.ch.
