Vorinfo Lugano

Am 21. November 2026 isch Ahpfiff zum erste Spiel gege dä FC Lugano im neue Stadion! Mir rüefed alli GC-Fans uf mit em Extrazug uf Lugano z'reise und eusi Mannschaft zahlrich und lutstark im neuste Stadion vo dä Super League zunterstütze.

Extrazug
Dä Extrazug fahrt ca. am 12:30 Uhr. Die exakti Abfahrtsziit wird i Absprach mit de SBB i de Wuche vom 21. November 2026 kommuniziert. Im Extrazug gits es chlises Verpfelgigsahgebot, en Getränkeverkauf und wie üblich sind im letschte Wage in Fahrtrichtig rauchfreii, familiefründlichi Abteil reserviert.

Tickets
Tickets gits im Extrazug. Erwachseni 25.- / Studente 20.-. Nähmed de Betrag so genau wie möglich in bar mit!

Gwünnverlosig
Alli GC-Fans, wo mit em Extrazug nach Lugano reised, nähmed automatisch ah ere gratis Gwünnverlosig teil. D'Verlosig findet uf em Rückweg im Extrazug statt. Chömed zahlriich uf de Extrazug es git attraktivi Priise, wie bispielswis es signierts Trikot z'gwünne.

Alli uf Lugano!