Sportlich unterirdisch - de Verein am Abgrund

Samstigabig, über 4000 ahgreisti GC Fans in Lausanne sind parat für de ersti Cupfinal Ihzug sit 2013. Passend zu de katastrophale Organisation vo Stade Lausanne-Ouchy und em Zuestand vom Stadion isch d‘Leistig vom Grasshopper Club Züri. Mit grademal 3 Torschüss scheidet mer sang- und klanglos gäg en unterklassige Gegner us. Leider widerspiegelt s'Ergebnis uf em Platz, was sit Jahre im Rest vom Verein passiert - Nüt! Sit em Bsitzerwechsel zu LAFC im Januar 2024 sind es halbs dutzend Trainer, mehreri Sportchefs und verschiedensti Mitarbeiter i de Gschäftsstell ustusched worde. Die mit de Übernahm gmachte Verspräche dur LAFC sind trotzdem nie au nur annähernd ighalte worde. Ahstell vo sportlichem Ufbau und Titelgwünn degeneriert euse Verein vo Tag zu Tag meh. S'Konstrukt LAFC mit sine Partnerverein isch klar gscheiteret. Mir lueged nüme länger tatelos zue, jetzt isch ziit, dass LAFC Platz für neui Investore us de Schwiz macht.

Mir sind GC Züri, ihr sinds nöd!

Heimspiel gege Luzern
Trotz de akute Abstiegssorge sind mir nüme länger bereit, de status quo mit de Bsitzer eifach hi z'näh. Mir rüefed Fans us allne Sektore - Jung und Alt - uf, am Samstig uf die 4i id Fanzone a de Baslerstrasse 30 zcho. Informatione zum wiitere Vorgehe und Aktione gits vor Ort. Für Verpflägig und Getränk zu günstige Konditione isch gsorgt.

FUCK OFF LAFC!