Fründschaftsspiel in Altach

Zum letste Testspiel vorem Saisonstart, treffe mer am Samstig 13. Juli 2024 im Stadion Schnabelholz, uf dä SCR Altach.
Zu dem Ahlass sind alli GCZ-Fans herzlich iglade, gmeinsam mit de Altacher Jungs de Tag z'verbringe.

Rahmeprogramm

13:00 Uhr öffnet s'Stadion sini Pforte zum gmeinsame Ihstimme uf de Osttribüne. Es wird vor Ort en Fanartikelverchauf geh vo beidne Clubs. Als Gastgschenk chunt jede GCZ Fan es Gratisticket (es het solangs het) für es Altachspiel nach Wahl über, wo en Fanartikel vo dä Altacher Jungs chauft.

16:30 Uhr folgt s'erste sportliche Highlight uf em Nebeplatz hinder de Osttribüne.
Altacher Jungs vs. GCZ Fans heisst de ersti Match vo dem Namittag. Lönd eu de Läckerbisse nöd entgah und chömed früehzitig is Stadion.

17:00 Uhr gaht's für alli GCZ Fans in Gästeblock fürs Spiel vo de Profis.
Im Aschluss lömer de Abig bi Live-Musig uf de neu überdachte Osttribüne usklinge.

Ahreis

D'Ahreis isch individuell, es git gnueg Gratisparkplätz ums Stadion.
Mitem ÖV gits d'Möglichkeit ab Züri HB via Bregenz oder Feldkirch und vo det jewils mitem Regio uf Altach z'fahre.

ALLI UF ALTACH! VORWÄRTS GC ZÜRI!