Kein Plan B
Alli in wiis am Sunntig!
Trainingsbsuech
Am Samstig findet am 15:00 Uhr s'Abschlusstraining vo dä Mannschaft im Campus statt. Chömet alli, gäbet mir ihne nomal dä letsti Push vor dä Barrage.
GC-Village
S'Village isch am Sunntig fürs Barrage-Hispiel abem 13:00 Uhr offe. Chömet ziitig zum eu mit eus uf das wichtige Spiel ihstimme.
Es wird en Grill- und Bier-Stand gäh, dä Erlös gaht vollumfänglich id Choreokasse.
Tickets fürs Rückspiel
D'Tickets fürs Rückspiel vo dä Barrage chönd ebefalls im Village kauft werde. Nur mit Bar-Geld, Erwachseni 25.- / Jugendlichi 20.- nähmet dä Betrag so gnau wie möglich mit.
Falls no Tickets übrig sind, werdet die am Mittwuch no verchauft. Wiiteri Infos folget im Verlauf vo dä nächste Wuche.
Denked dra d'Ticket-Verchäuferinne sind mit Respekt z'behandle. Wer sich nöd dra haltet, muess mit dä Konsequenze läbe.
Extrazug
Dä ersti Zug wird ca. am 16:30 Uhr fahre, dä Zweit ca. am 16:45 Uhr.
Au da folget no wiiteri Infos im Verlauf vo dä nächste Wuche.
Alli zäme alles gäh für dä Ligaerhalt! Vorwärts GC Züri!