Sektor IV

News

GCZ vs. FC Schaffhuse

06. August 2019, 18:07

Was füren Saisonstart und was für zwei geili Uftritt vode Kurve und de Mannschaft in Wil und Aarau! GC Züri läbt – ide Nati B erscht rächt!

Am Fritig gilts im Letzi eusi Jungs ufem Feld zum nächste Sieg z schreie und d’Tabellespitze z’verteidige. Und mier tüend das wie gwohnt us de Kurve und mit voller Liideschaft. Nämemer de Schwung us de letzte Spiel mit und schicked Schaffhuse ohni Pünkt hei!

Wie bereits im letschte ’’Los Jetzt’’ erwähnt, stömmer mitem Verein im Ustusch was s’Thema Forderige und Zuekunft vom Club agaht. Für definitivi Entscheidige ischs no z’früeh, die erste Gspröch mit de neue Vereinsleitig sind aber guet verloffe und de igschlageni Weg isch bis jetzt konstruktiv. Infos übers wiitere Vorgehe betreffend Chauf vo Saisonchartene folged vorem Heimspiel gege Winterthur.

Dä Fritig chunsch mit dinere Saisoncharte vo letscht Jahr gratis is Stadion. S’gliche gilt für Einzeliitritt fürs Sion-Heimspiel vo letzter Rückrundi. Du chasch eifach die alt Saisonkarte mitneh und am Drehchrüz vorwiese. https://www.gcz.ch/tickets/qa-zum-geisterspiel/

Zum ihstimme vorem Spiel simmer abem 18h im Lion Hookah & Bar direkt bim Letzi!

Vorwärts GC Züri!