GCZ vs. St. Gallen

Am Samstig alli uf di 8i in Letzi - kämpfemer mit eusne Jungs um die Pünkt! Istimme chamer sich abem 15.30h im Sächs Foif.

Hardturm Buech

Im bevorstehende Herbst jährt sich zum 10. Mal de so schmerzhafti Verlust vo eusere Heimstätt Hardturm. Für all Nostalgiker, chronisch Depressive oder suscht wie in Mitleideschaft zogene, büted am kommende Heimspiel geg St. Galle diversi flügendi Verchäufer die letschte no verblibene Exemplar vom Jens Fischer sim Werk „Der Hardturm – Erinnerungen an ein aussergewöhnliches Stadion“ ah. Im Fotiband werded uf rund 150 farbige Siite die letschte Spiel im Hardturm fotografisch dokumentiert. S Hauptaugemerk vode Ufnahme lieht ufem Geschehe uf de Räng sowie bi de bauliche Finesse und Kuriositäte. S Buech isch somit es ideals Erinnnerigsstuck a di ussergwöhnlich und bi Fründ und Feind so beliebti Spielstätt.

 Chostepunkt: 28 Franke