SektorIV.ch - s'Sprachrohr vo dä Kurve

Sit dere Saison isch eusi Fankurve mit dä Homepage www.SektorIV.ch au im Internet präsent. Die neu Siite vereinigt sämtlichi bestehendi Informationskanäl und informiert dich ab sofort über Treffpünkt, Extrazüg und Fanahläss. Näbed em Angebot für juristischi Beratig findsch uf dä Homepage au en SMS-Verteiler, wo dir nachere choschtepflichtige Ahmäldig alli Infos direkt ufs Handy schickt.

D IG GC Züri füegt sich bestens is neue Bild ih und wird sich au zuekünftig im Hintergrund als Bindeglied zwüsched dä Fankurve und em Verein tatchräftig für e gueti Beziehig zwüsched allne Interessegruppe ihsetze.