Treffpunkt Reykjavík

Träffpunkt für all GCZ-Fans wo uf Island greist sind:

 Abem 12.00h bim "The Dubliner Pub" in Reykjavík.

Europäisch

Nach verschiedenschte Abklärige händ mir eus entschiede, kei gmeinsami Reis uf Island/Nordirland ahzbüte. D Priise bimne Charterflug oder bi Gruppereise wäred höcher, als wänn sich jede sälber organisiert.

Bi Frage rund um d Reis chan mer eus per E-Mail kontaktiere. Wiiteri Infos folget nach dä Bekanntgab vom Gägner.

Fanturnier

Am Samschtig 25. Juni 2016 findet s Fanturnier statt!

Chömed mit de ÖV, es hät nur sehr wenig Parkplätz vorhande.

Downloads:
Spielplan Vorrundi

Spielplan KO-Phase

Turnierreglement

Fanturnier: Uslosig & Rampeverchauf

Am Mittwuch, 22. Juni 2016, am 20.00h findet im Sächsfoif (Heinrichstrass 65, 8005 Züri) d Uslosig für d Gruppespiel statt. Chum verbi und mach dir es erschts Bild vo dine Gägner. Es lauft de ganz Abig Fuessball live us Frankrich, Türöffnig isch abem 17.30h.
www.sächsfoif.ch

Dä Spielplan wird nach de Uslosig da veröffentlicht und dä Teamchefs per E-Mail verschickt.

Wie scho i dä letschte Jahr gits au bi dä diesjährige Usgab vom Fanturnier en Rampeverchauf mit GCZ-Artikel  zu faire Priise. Dasmal stönd au relativ neui Nocke- und Stolleschueh zum Verchauf! De Rampeverchauf startet am 11.00h. Es hät solangs hät.