07. September 2017, 17:42
Länderspiel sind dure - de Ball rollt wieder ide Liga. Wie immer isches au die Pause nöd ruhig bliebe rund um euse Verein. S'het sich einiges tah und en Altbekannte staht neu ade Sitelinie bim GCZ. Unvergesse sin Hammer in Amsterdam - so startemer am Sunntig gege Sion d'Punktejagd mitem Murat.
Im Sächs Foif gaht's bereits am 12:30h los - s'Bier staht chalt!
Hinter de Kurve am Fanartikelstand findet ihr wie immer s'neuschte us de Textilmanufaktur, Chläber, Fuessballheftli und vieles meh.
Vorwärts GC Züri
25. August 2017, 08:16
Extrazug
De Extrazug fahrt ab Züri HB: 14.57h ufem Gleis 18. Zrugg simer churz nachem 12i.
Tickets
Erwachseni 25.-
Jugendlichi 20.-
Verkauf im Extrazug und a dä Tageskasse. Versueched de Betrag möglichst gnau debi z'ha.
22. August 2017, 08:41
Mir alli liidet unterem Exil und de sportliche Misere vo de letschte Jahr. Mit de Sänkig vom Biitrag zur Vereinsmitgliedschaft hät d’GCZ-Fuessballsektion es klars Zeiche a eus Fans gsändet – mir sind als Vollmitglieder im Club erwünscht. De Mitgliederbiitrag vo 100.- Franke im Jahr isch sehr human agsetzt. Mir all sind ufgforderet de Fuessball Sektion als Mitglied biizträte und am Verein so de Rugge z stärche.
Link zum Amäldeformular:
http://www.gcz.ch/club/mitglied-werden/mitgliedschaft/
D'Mitgliedschaft ermöglicht d'Teilnahm a Aläss, mer bechunt 2 Gratisbillet sowie s’Clubmagazin und gratis Itritt a alli Spiel ufem Campus. Eimal im Jahr sind all Mitglieder ad Sektionsversammlig glade.
Wart nöd ume – wird jetzt Mitglied! Vorwärts GC Züri!
19. August 2017, 19:18
Morn hollemer ändlich die erste 3 Pünkt i dere Saison. Spiel gäg St. Galle am 16:00 im Letzi.
S SächsFoif isch abem halbi 1 offe zum ihstimme.
Am Fanartikelstand hinter de Kurve gihts wieder neui Chläber, Fuessballheftli und vieles meh.