WIITERE SAISONVERLAUF MIT BEGRÄNZTER ZUESCHAUERZAHL

Dä hütig Entscheid vom GCZ betreffend Zueschauer bide kommende Spiel händ mir zur Kenntnis gnoh. Mir sind aber dä Uffassig, Fuessball muess für all zuegänglich sii und mir lehned personalisierti Tickets ab. Zudem läbt Fuessball unter anderem vo Emotione - dadezueh ghöred au Gästefans.

Mir hoffed, bald ih voller Ahzahl wieder eusi Jungs zum Sieg z schreie. Bis dänn verfolgemer d'Meisterschaft abseits vom Stadion und bliebed als Szene dä Spiel fern. Hopp GCZ!

Vorwärts GC Züri