Eusi Kurve, eusi Wert
VerantwortigMir stönd entschiede hinder em Grasshopper Club Züri und sind eus eusere Rolle als Repräsentante vom Fuessballklub bewusst.
Emotione
Mir läbed Emotione i jedere Form, aber phaltet wenn nötig au en chüele Chopf.
Freiheit
Mir erhaltet eusi Fankurve als lebendige, luute und mängisch au unbequeme Freiruum.
Vielfalt
Mir stönd für e vielfältigi Fankurve ih, wo für jede und jedi offe isch. Diskriminierige nach Gschlächt, sexueller Orientierig oder Herkunft händ bi eus nüt verlore.
Individualität
Mir lehned e starch hierarchisierti und duremilitarisierti Einheitskultur ab und definiered eus in erster Linie als Fans vom Grasshopper Club Züri.
Reflexion
Mir stönd am hyperkommerzialisierte Fuessball und am grassierende Sicherheitswahn kritisch gegeüber und lönd eus als Fans nöd entmündige.
Standhaftigkeit
Mir verteidiged eusi Fankurve, eusi Fankultur und euse Club geg alli Ahgriff.
Stärchi
Mir lönd eus nöd dezue verleite, unbeteiligti Fans ahzgriife und Waffe ihzsetze.